Detyrat dhe të drejtat e inspektorit

1.    Përditëson përkthimin në gjuhën shqipe të SNRF-ve;

2. Mban korespondencë të vazhdueshme me Bordin e Standardeve Ndërkombëtare të Kontabilitetit në Londër dhe mbikqyr respektimin e kontratës me këtë autoritet profesional;

3.    Koordinon punën me Komitetin e Rishikimit të ngritur pranë KKK-së;

4.  Ndjek procesin e dërgimit të materialeve të përkthyera tek ministri përgjegjës për financat për shpalljen e tyre;

5.    Përgatit mbi baza vjetore variantin e konsoliduar të SNRF-ve të përkthyera;

6.    Ndjek zbatimin në praktikë të SNRF-ve, evidenton problemet dhe përgatit materiale për diskutim për Këshillin me qëllim publikimin e udhëzimeve për zbatimin korrekt të tyre;

7.  Përkthen materiale të tjera përveç SNRF-ve që kanë të bëjnë me kontabilitetin dhe raportimin financiar dhe pas miratimit të tyre nga anëtarët e Këshillit merret me publikimin dhe shpërndarjen e tyre drejt palëve të interesit;

8.    Merr pjesë në trajnime të ndryshme brenda dhe jashtë vendit.

Kriteret e përzgjedhjes 

1. Të ketë përfunduar studimet e ciklit të dytë të studimeve (Master Shkencor) në fushën e kontabilitetit / financës;

2. Të ketë notë mesatare të përgjithshme të këtyre studimeve jo më të ulët se 8 (tetë) dhe mesataren e lëndëve të specialitetit jo më të ulët se 9 (nëntë);

3. Të ketë jo më pak se 3 (tre) vite eksperiencë pune në fushën e kontabilitetit / financës;

4. Të ketë Dëshmi të provimit të gjuhës angleze;

5. Të njohë shumë mirë paketën Office;

6. Preferohet që kandidati të ketë njohuri mbi programin e përkthimit TRADOS (nuk është kusht ta provojë me dokument);

7. Të ketë njohuri bazë mbi SKK-të dhe SNRF-të;

8. Të jetë i padënuar;

9. Mosha e kandidatit në momentin e aplikimit duhet të jetë nën 40 (dyzet) vjeç;

10. Preferohet të ketë fituar titullin profesional "Kontabël i miratuar";

Të tjera të rëndësishme 

Aplikimet pranohen deri më datë 18 Janar 2019.

Aplikimi përmban kërkesën, CV, një letër reference si dhe të gjitha dokumentet që provojnë plotësimin e kritereve të përzgjedhjes. 

Domumentet e skanuara dërgohen në adresën elektronike   info@kkk.gov.al ose fotokopje të dokumenteve të kërkuar dorëzohen në adresën Rr "Reshit Çollaku", pranë ILDKPKI, Tiranë.

Për çdo saktësim adrese mund të kontaktoni në numrin 042 220 499.

Një listë e shkurtër të përzgjedhurish do të njoftohen për intervistën. 

Kontrata lidhet sipas kritereve të përcaktuara në Kodin e Punës dhe data e fillimit do të jetë brenda datës 1 shkurt 2019.